Imaxina que queres facer un post nun blogue sobre o teu Android, ou que queres recordar a distribución dos escritorios do teu móbil porque vas a restauralo a modo de fábrica, ou por calquera motivo necesitas obter unhas capturas de pantalla. Como podemos obter estas imaxes? Con PicMe poderemos facelo de modo sinxelo mediante o navegador web do noso PC.
A aplicación daranos unha dirección do estilo http://192.168.1.34:8082 coma a que vemos na imaxe e que habemos de escribir no navegador web do noso PC.
No navegador do PC poderemos observar que temos a opción de seleccionar o modo Static ou o modo Live.
No modo Static poderemos obter as imaxes, actualizando o navegador segundo nos vaiamos movendo de pantalla no noso terminal, gardando as imaxes coma se fose calquera outra de internet. No modo Live, aínda que non poderemos gardar as imaxes do modo convencional, si que poderemos observar o noso terminal en modo vídeo. Este último modo tamén nos da a posibilidade de controlar, aínda que non de maneira sinxela, o noso móbil desde o navegador.
Os requisitos indispensables para usar esta aplicación son ter acceso root e estar conectados a mesma rede WIFI co móbil e o PC.
PicMe está dispoñible no Market de forma gratuita para android 1.5 ou superior.
