Se queremos aforrar uns céntimos (ou euros) na nosa compra diaria, podemos facernos con Supertruper, unha aplicación que nos permite comparar os prezos dos produtos en diferentes supermercados e hipermercados.
Supertruper ofrécenos dous modos de busca, unha mediante a lectura do código de barras e outra tradicional, introducindo o nome do produto. Unha vez atopado, amósanos o seu prezo en diferentes tendas.
Ademais, ten outra característica e é que nos deixa facer unha lista completa da compra e comparar o prezo en diferentes supermercados, para non andar dando voltas.
A aplicación é gratuíta e podémola descargar dende o Market para todos os androides