Huawei presenta os Ascend P1 e Ascend P1 S, terminais que compiten en delgadez extrema

Se hai unha pasarela na que se permite delgadez extrema, esa é a dunha feira tecnolóxica. Se pola mañá falamos da presentación da nova tablet de Toshiba, que ten a marca de ser a tablet máis fina do mundo (até o de agora), agora toca falar de Huawei, que vén de presentar dous terminais xemelgos agás nun punto, o grosor. Son os Ascend P1 e Ascend P1 S.
O segundo deles acada os 6,68 milímetros na súa zona máis delgada, mentres que o P1 “a secas” chega aos 7,69 mm, unha boa marca malia todo.
Do resto de características que transcenderon da presentación, comentar que ambos terminais dispoñen de pantalla Super AMOLED de 4,3 polgadas (960 x 540 píxeles), procesador de dobre núcleo a 1,5 GHz fabricado por Texas, 1 GB de RAM, dobre cámara (de 8 e 1,3 MP) e Ice Cream Sandwich sen aditivos como sistema operativo.
Agárdase que esté dispoñíbel a nível mundial durante o primeiro semestre do ano.

Sobre o autor

Reply