Vitrasa vén de poñer no Android Market a súa aplicación oficial de transporte da cidade de Vigo, unha ferramenta que viña sendo moi demandada polos usuarios do servizo.
Entre as opcións que permite levar a cabo esta aplicación están a de calcular unha ruta indicando a orixe e destino (de xeito semellante á aplicación de cálculo de rutas que ten a compañía na súa web), ou buscar paradas próximas (á nosa situación ou a unha que escollamos) para amosarnos un panel virtual coa información dos buses que van pasar e o tempo estimado de espera.
Esta aplicación é gratuíta e funciona en calquera dispositivo Android con versións 1.5 en adiante. Pódese descargar desde o Android Market.
Nota: Descubrimos esta aplicación grazas a un comentario Anónimo nesta outra entrada.
Pois a ver se me comentades que fago mal, pois o entrar no enlace dime que o elemento non se atopou. Graciñas
Ola Fon, debería ir… a nós vainos. Proba a buscar no market Bus Vigo. É a primeira opción
No vale para el Samsung Galaxy Mini¡¡ #Fail