Parece que entre tanto supersmartphone nos esquecemos desa gama media maioritaria, á que nos gusta chamar democratizadora de Android. Entre estes terminais está o Galaxy Ace 2, un dispositivo que vén a sustituír a un teléfono que funcionou (e funciona) bastante ben.
Das súas caractísticas destaca o seu procesador de dobre núcleo a 800 MHz, os 4 GB de memoria interna (ampliábeis mediante microSD noutros 32 GBs extra), 768 MB de RAM, pantalla de 3,8 polgadas e unha cámara de 5 megapíxeles.
Que vos parecen as características deste teléfono? Está o Ace 2 entre os vosos “posíbeis”?
