Ubuntu for Android no pasado MWC |
- Superior: desprazando a parte superior da pantalla, unha barra de notificacións como a de Android, podemos non só ver as mensaxes (mencións…) que teñamos, senón tamén acceder ao estado da batería ou o control do volume.
- Inferior: se o desprazamento é na barra inferior entraremos no menú das aplicacións e de configuración
- Barra lateral esquerda: movendo a parte esquera desprégase unha barra a modo de launcher que dará acceso ás nosas aplicacións favoritas, tal e como coñecemos do noso Ubuntu de escritorio.
- Barra lateral dereita: finalmente, desprazando a parte dereita da pantalla accederemos ás últimas aplicacións abertas.
Todo organizado e un sistema de mensaxería all-in-one
Música, xente, aplicacións… todo semella ter o seu espazo ben organizado no novo Ubuntu Mobile. Desde Canonical destacan a galería de imaxes coas súas funcionalidades de compartición áxil ou suba instantánea das fotos á nube, aínda que estes aspectos xa son ben coñecidos polos usuarios de Android actuais.
Cómpre facer especial fincapé no novo centro de mensaxes, reinventado por Ubuntu para unificar todo o que poidas imaxinar: Twitter Facebook, correo electrónico, sms… e incluso as chamadas de teléfono. Todo será unha única liña temporal.
O dock, o complemento que se fai imprescindíbel
Sen lugar a dúbidas, o poder usar o noso smartphone como CPU dun computador é unha grande vantaxe. Iso é o que víramos con Ubuntu for Android e iso é o que implementa Ubuntu Mobile de serie e como baza fundamental.
O dock conectarase a unha pantalla a través de HDMI, e ao teclado e rato a través de Bluetooth, aínda que tamén conta con USBs e o seu funcionamento será tan sinxelo como conectar o noso smartphone Ubuntu Mobile ao dock para lanzar o modo escritorio
Hardware mínimo
Conclusións
Pode que aínda sexa cedo para aventurarnos a facer conclusións, sobre todo nun mercado tan complexo como o dos smartphones, polo que se cadra é máis acaído facerse unhas cantas preguntas: chegará tarde a un mercado saturado por Android e iOS? será a verdadeira alternativa a estes dous? como afecta este lanzamento a Windows 8 e o seu intento de converxencia móbil-escritorio? servirá Ubuntu Mobile para animar a máis xente a empregar a versión de escritorio do sistema operativo libre?
Desde logo para nós este anuncio supón unha nova positiva. Cremos que non só é necesaria, senón imprescindíbel, a aparición de diferentes alternativas, xa non só para que os usuarios poidan ter opcións nas que escoller senón porque tamén espabilan o mercado e fan que se redobren os esforzos en innovar e conseguir mellores produtos.
Tendo en conta a presenza de terminais Galaxy Nexus e como temos visto noutras ocasións correr Ubuntu sobre os Motorola Atrix ou Galaxy S II, sería interesante saber se poderemos instalar Ubuntu como se fose unha ROM ou teremos que agardar a que saian os dispositivos previstos para o 2014.
Agárdanos uns meses interesantes 🙂
Máis información
Se queredes acceder a máis información podedes ollar o seguinte vídeo ou visitar a web do proxecto. Tamén vos recomendamos que sigades con atención o que comenten os nosos compañeiros de O Meu Ubuntinho.