Galaxy Tab 3 de 10.1 e 8 polgadas. Fíltranse as súas características técnicas

Logo da chegada do último Galaxy S, agora toca a renovación na sección de tablets. Así, nas próximas semanas deberíamos coñecer a terceira xeración das Galaxy Tab, concretamente os modelos de 10.1 e 8 polgadas, cuxas especificacións técnicas veñen de ser filtradas.
Así, a nova Galaxy Tab 3 10.1 disporá dunha pantalla de 10.1 polgadas con resolución 1280 x 800 píxeles, un procesador de dobre núcleo a 1,5 GHz e memoria RAM de 1 GB. A memoria interna será de 16 GB, ampliábel por microSD, aínda que seguramente vexamos versións con maiores capacidades.
Dispón de dobre cámara, 3 megapíxeles a posterior e 1,3 a frontal, batería de 7000 mAh e conectividade 3G/4G ademais de WiFi, WiFi Direct, DLNA ou Bluetooth 4.0.
En canto a deseño, as súas dimensións serían de 256,7 x 175,3 x 8,7 mm, pesaría 533 gramos e levaría Android 4.1.2 Jelly Bean.
Pola súa banda, a Galaxy Tab 3 8.0 incorpora unha pantalla de 8 polgadas con resulución 1280 x 800 píxeles e procesador de dobre núcleo a 1,5 GHz. Neste caso, a RAM sería de 2 GB e a batería de 4500 mAh. As cámaras, conectividades e versión de sistema operativo serían os mesmos que na versión de 10 polgadas.
Con 330 gramos de peso, as súas dimensións serían de 112,1 x 209,6 x 6,95 mm.

Sobre o autor

One Response

  1. Anonymous 22 Abril, 2013 Responder

Reply