Quen dixo que as tablets son caras? Desde Wolder queren romper ese tópico co lanzamento da miTab FUNK, un dispositivo de características modestas e un prezo máis ca axustado: só 79 euros.
A miTab FUNK conta cunha pantalla de 7 polgadas (resolución 800 x 480) e 5 puntos táctiles (é dicir, recoñece o movemento de 5 puntos de presión á vez), procesador de 1 GHz, 512 MB de RAM, 4 GB de memoria interna ampliábeis por microSD e cámara frontal. Como sistema operativo conta con Ice Cream Sandwich totalmente limpo.
Como vedes, non hai grandes características técnicas (sería a repanocha nun dispositivo deste prezo), mais serven para cumprir en usuarios básicos e que vaian facer un uso moderado.
Xa se atopa dispoñíbel na Wolder Store.
