Se hai algo que chama a atención deste terminal non é a súa pantalla, nin o procesador, nen sequera a cámara; é a resistencia á auga e ao po que fixo que moitos usuarios se decantasen por este terminal en vez de outro tope de gama. Este terminal é sumerxible durante períodos curtos, como puidemos comprobar cando o analizamos… ou non. Parece ser que outra das cousas que facían destacar este terminal, o seu deseño con cristal na súa parte posterior é un problema.
Ao parecer o colante empregado para colocar este cristal non resiste ás altas temperaturas, polo que nun día de verán ou nun que fagamos traballar o procesador (e por conseguinte quentarse) pode converterse no comezo dun pesadelo.
Se ben isto non está ocurrindo con tódolos terminais, cómpre telo en conta á hora de mercar un terminal ou vixiar a temperatura do terminal.
Neste fío lévase a conta de terminais que están a ter estes problemas; varios deles deciden amañar eles mesmos o problema quentando o terminal cun secador para que se derreta o pegamento e poñendo unha pinza de maneira que exerza presión. Animámosvos a comentar se sufríchedes este problema cos vosos terminais (esperamos que non) no caso de telo.