En agosto descubrimos o Moto X, un dispositivo que sería un máis na longa lista de terminais Android que se presentan se non fose porque era o primeiro de Motorola logo de ser adquirida por Google. Facendo gala dun orgullo patrio co “ensamblado dos USA”, tampouco o deixaron saír daló, polo que quedamos coas ganas de velo de preto.
Na mesma liña vén o Moto G, que vén de ser presentado hai uns minutos. Trátase dun disposivo que non chama a atención polas súas prestacións e que queda na gama media. Incorpora unha pantalla de de 4,5 polgadas con resolución 1080 x 720, procesador Snapdragon de 4 núcleos e 1,2 GHz, 1GB de RAM e 8 GB ou 16 GB de memoria interna, cámara traseira de 5 megapíxeles e frontal de 1,3. A batería é de de 2100 mAh.
En canto ao sistema operativo, sae con Android 4.3, aínda que prometen a actualización a KitKat 4.4 para xaneiro de 2014. A versión é totalmente pura, sen ningunha personalización, pois segundo cometaron entenden que Android limpo ofrece a mellor experiencia de usuario. Así mesmo, este guiño a Google tamén se reflexa nos 65 GB extra en Google Drive para almacenaxe na nube.
Estará dispoñíbel no noso país desde finais de mes, co que se confirma o regreso do fabricante de telefonía móbil por excelencia. Custará 179 € na súa versión libre e de 8 GB (non está confirmada a chegada do de 16 GB), pero ademais tamén chegará con varios operadores como Movistar, Orange ou Yoigo.
Esta ben de prezo, pero se non conta con ranura para sd perde moito…