Conscientes da importancia do prezo baixo nun mercado cada vez máis competitivo, Asus vén de presentar a nova liña de smartphones, Zenfone, coa que pretenden ofrecer tres novas alternativas moi orientadas a un público novo ou que non quere gastar demasiado por ter un smartphone decente. Resumímosvos as principais características técnicas dos mesmos:
Zenfone 4
- Pantalla 4 polgadas (800 x 480)
- Procesador dual core a 1,2 GHz
- 1 GB de RAM
- 4 GB de memoria interna + microSD
- Cámaras 5 MP / VGA
- Batería 1170 mAh
Zenfone 5
- Pantalla 5 polgadas (1280 x 720)
- Procesador dual core a 2,0 GHz
- 1 GB de RAM
- 4 GB de memoria interna + microSD
- Cámaras de 8 MP / 2 MP
- Batería 2050 mAH
Zenfone 6
- Pantalla 6 polgadas (1280 x 720)
- Procesador dual core a 2,0 GHz
- 2 GB de RAM
- 8 / 16 GB de memoria interna + microSD
- Cámaras de 13 MP / 2 MP
- Batería 3230 mAH
Doutra banda, tamén presentaron o PadFone Mini, un dispositvo convertíbel smartphone – tablet como os Transformer que xa temos visto nos últimos anos, no que se introduce o teléfono na tablet, facendo de motor.
Das súas características técnicas destacamos o procesador de dobre núcleo a 1,6 GHz, 1 GB de RAM, 8 GB de memoria interna ampliábeis, cámaras de 8 e 2 megapíxeles e pantallas de 4 ou 7 polgadas dependendo de se usamos o trebello como smartphone ou como tablet. A batería do teléfono é de 1170 mAh e a da base 2100 mAh, polo que xuntas dan un total de 3270 mAh.
Os 4 dispostivos veñen con Android 4.3 de fábrica, aínda que serán actualizábeis nas próximas semanas a KitKat. En canto a prezos, os Zenfone custarán 99, 149 e 199 dólares e o PadFone Mini 249.