Hoxe queremos presentarvos Myxone, unha aplicación que chega firmada por Vodafone e que ten un par de usos ben diferenciados: estar informados das novas máis recentes e xestionar algúns dos servizos da compañía.
Máis polo miúdo, vemos que a aplicación conta cun menú despregable na parte dereita do que nos gustaría destacar as dúas primeiras opcións: Home e Vodafone.
Home.
Entrando neste apartado temos acceso a unha morea de novas de actualidade de moitos temas diferentes como poden ser coches, Android, novas de xornais,… entre outras. O seu uso é moi sinxelo, so temos que premer na categoría que máis nos gusta para acceder a un índice de todas as novas relacionacionadas con esa categoría.
Un punto que nos gustou moito foi que a aplicación aprende con nós, e dicir, a medida que a imos usando dase conta de cales son os temas que máis nos interesan e así vai centrando nestes temas a primeiras novas que nos amosa ao acceder a este menú e deixando para máis abaixo o resto de temas.
Vodafone.
Nestre outro apartado podemos xestionas algúns temas relacionados directamente con Vodafone. Dun xeito moi sinxelo podes facer unha recarga, acceder a Mi Vodafone, mercar unha canción ou mesmo dar de alta de xeito gratuíto unha SIM de Vodafone Yu.
Concluíndo, dicir que esta aplicación gustounos moito porque nos permite acceder de forma sinxela ás novas de máis actualidade e, no caso de ser cliente de Vodafone, tamén á conta persoal de MiVodafone oou a servizos como de recarga de teléfonos de cartón prepago.
Myxone está dispoñíbel para a súa descarga gratuíta na Play Store.
