Seguindo cos artigos relacionados con xogos sinxelos para axudar a pasar o nosos tempos mortos, hoxe queremos amosarvos GlobPop, un xogo inspirado no veterano xogo ruso.
O seu desenvolvedor pensou que estaría ben por na pantalla globs grises cos que hai que acabar, para o que temos que empregar os globs de cores, formando grupos (ben sexa un liña ou tipo L) de como mímimo 3 globs para acabar cos grises e así rematar o puzzle para pasar á seguinte pantalla.
O xogo permite dous modos de xogo. O modo “Un Xogador” e o modo “Estilo libre”.
Un xogador.
Neste modo de xogo atopamos con cinco niveis diferentes e cada nivel conta con 60 puzzles. En cada pantalla atopamos os globs cos que temos que acabar e, cando os conseguimos eliminar co proceso antes indicado pasamos á seguinte pantalla. A medida que avanzamos o que nos atopamos e máis velocidade na caída dos globs de cores e máis globs grises.
Estilo libre.
A principal diferenza co anterior modo de xogo e que non temos niveis nin globs grises ao comezo do xogo. Neste modo comezan a caer globs de cores que tentaremos aparellar para ir limpando a pantalla e nun momento determinado aparecerán os “malditos” globs grises. O noso obxectivo neste xogo é ter a pantalla limpa de pezas porque se se nos enche a pantalla perdemos, ao máis puro estilo Tetris.
Ademáis das diferentes opcións de xogo, temos que engadir a posibilidade de xogo online e mesmo contamos con outras opcións para tentar adaptarse aos nosos gustos ou entornos onde xoguemos. GlobPop conta con 4 músicas diferentes e cunha opción de silenciar para non molestar á xente que podamos ter preto.
Como adoitamos facer, GlobPop entra nese abano de xogos ideais para desfrutar agardando polo bus ou unha viaxe curta, por exemplo.
E vós que nos dicides, animádesvos a probalo? Podedes dercargar GlobPop nesta ligazón da Google Play dun xeito gratuito.
O mellor xogo do mundo 😛
Moi boa review, graciñas 🙂
Bueno bueno… deixémolo nun dos mellores 😉