Se hai apenas 15 días coñecemos o Bloom, o fabricante Wiko preséntanos agora Fizz, un dispositivo modesto en especificacións e cun prezo altamente axustado: 79 €.
O trebello vén equipado cunha pantalla WVGA de 4 polgadas, procesador de dobre núcleo a 1 GHz, 512 MB de memoria RAM e 4 GB de memoria interna ampliábeis por microSD de até 32 GB. A súa cámara principal é de 5 megapíxeles, aínda que tamén dispón de frontal, cun sensor VGA testimonial. O deseño caracterízase por ser sinxelo e lixeiro, acadando os 122 gramos de peso, mentres que o sistema operativo é Android 4.2.2 Jelly Bean.
Estará dispoñíbel a partir do 12 de xuño por 79 euros.
Lástima da RAM, pero con este prezo non se pode pedir máis. Pregúntome se será fluido suficiente para non querer tiralo pola ventá… porque se vai máis ou menos suave para un uso normaliño sería un terminal a ter en conta para que só usa o Whatsapp e pouco máis.