Recentemente veño de renovar un antigo e moribundo Galaxy ACE que tiña case case 3 anos por un LG G2.
Non podo se non que afirmar que calquera terminal melloraría ao ACE, pero con todo teño que recoñecer que para o malo que saiu, eu non me podo queixar até os últimos dous meses que si comezou a facer cousas raras, sendo o límite foi quedar sen cobertura ao rematar unha chamada e ter que reiniciar. Tamén e certo que o último ano de uso foi cunha ROM cociñada que lle deu unha segunda xuventude.
Agora ben, levo aproximadamente un mes co G2 e non teño palabras. Si, non son comparabéis xa que pertencen a dúas gamas moi dirente,s e se me apuras, até épocas diferentes: internamente pouco ten que ver Android 2.3.6 (ACE) con Android 4.4.2 (G2)
A clave de todo non está no que fai o G2 que non fixera o ACE se non como fai esas tarefas. A velocidade para abrir aplicacións, instalar apps de a Play Store, o tempo no que o terminal acende e carga o escritorio, … Todo o fai más rápido, o cal para min polo menos, máis rápido implica directamente mellor: para que agardar (perder tempo) cando segundo con que trebello podémolo facer xa?
Comparando con outros terminais de gama baixa que probei nestes meses como o Nokia X, Xperia E1 e bq Aquaris 4.5, estes dous últimos melloran notablemente o rendemento do ACE, como non pode ser doutro xeito, e poden ser opcións perfectamente válidas para moitos usuarios. Pero non é así, toleamos por ter o último-modelo-carísimo aínda que o teñamos infrautilizado pero así poderemos fardar cos colegas. Somos así.
Pois ben, aínda sendo terminais que cumplen (E1 e Aquaris 4.5) cando empregas no día a día un gama alta que ademáis podemos situar entre os mellores terminais dun ano concreto, como é o G2, a diferenza nótase, e nótase moito. A calidade da pantalla, o rendemento, a autonomía son puntos no que destaca claramente sobre o resto e facilita moito o traballo, poder empregar un terminal así.
Non falo da cámara porque para min, é unha opción secundaria por varias razóns:
- Nun terminal, non emprego a cámara acotío polo tanto só pido un mínimo de calidad para o ano no que estamos.
- Buscar unha boa cámara, encarece moito o prezo final dun terminal e nunca deixará de ser unha cámara dun móbil e para min é máis importante o rendemento e a pantalla, por exemplo.
- Se nos gusta moito a fotografía penso que o que teremos que facer é que mercar unha reflex e desfrutar da nosa afección.
Para rematar direi que aínda sendo un terminal que xa leva case 1 ano no mercado, é unha compra totalmente recomendábel tanto pola calidade do terminal como polo prezo ao que o atopamos hoxe en día, ao redor de 330€ en moitas tendas online.
Pois a min tócame cambiar o meu vello Samsung Galaxy I e o LG G2 é o candidato mellor situado. Busco un móbil con 2GB de RAM, pantalla Full HD e procesador potente, para que dentro de 2 anos non quede moi obsoleto. Outra opción e o Nexus 5, sobre todo se lle rebaixan o prezo no próximo mes pola saída do novo Nexus. O resto dos modelos que investiguei son mais caros ou teñen prestacións inferiores.
Respecto da cámara, estou dacordo contigo, excepto no da réflex, pois xa con unha cámara compacta de menos de 200€ podes dispoñer de prestacións superiores á maioría dos móbiles. De todas formas, levo un ano coa cámara do móbil estropeada e non sei se podedes imaxinar que práctica resulta e canto a boto de menos!
Boas pintafontes,
Para nós a opción é o G2 pola súa mellor autonomía sacrificando a experiencia que teriamos no caso de mercar un Nexus.