Fíltranse as supostas especificacións dun Nexus 8 fabricado por HTC

nexus 8

Os rumores sobre unha tablet Nexus de 8 polgadas non son novos. De feito, meses atrás falamos da posibilidade de que o seu lanzamento fose inminente tras aparecer a imaxe que abre este artigo na propia Play Store. Porén, estes díxome – díxome fanse agora máis fortes ca nunca, en boa medida porque hai tempo que non temos unha renovación da saga Nexus, mais tamén porque chegan coas especificacións.

Atendendo a estas informacións, o Nexus 8 estaría fabricado por HTC e contaría cunha pantalla de 8,9 polgadas (2560 x 1600), procesador NVIDIA Tegra de 64 bits e 4 GB de memoria RAM. As súas cámaras serían de 8 e 1,6 megapíxeles e habería unha versión WiFi e outra con pacidades 3G/4G. Sairía á venda con Android L.

Sería de agardar que a nova tablet Google Experience chegase en outubro ou novembre xunto a un Nexus 6, o novo smartphone con selo Android puro. Conseguirase desta vez manter a maxia dos produtos Nexus? Cal credes que é o tamaño óptimo para unha tablet?

Sobre o autor

No Responses

Reply