Here Maps chega a Android, malia que en exclusiva para Samsung

samsung here maps

Cando falamos de mapas a meirande parte de nós pensamos en Google Maps, aínda que ben é certo que existen numerosos servizos alternativos, como Nokia Here, que pretende facerse un oco nos nosos smartphones. Porén, malia que vén de ser anunciado o lanzamento da aplicación para Android, nun primeiro momento estará dispoñíbel unicamente para os trebellos de Samsung, nos que virá preinstalado.

nokia-here-android-samsung-2

Here Maps ofrece un servizo semellante ao que coñecemos de Google Maps, con navegación en coche, a pé ou a través de transporte público. Ademais permite ser empregado sen termos conexión a Internet, algo que agradeceremos cando non teñamos boa cobertura ou esteamos no estranxeiro. Neste senso destaca que poderemos descargar os mapas de países enteiros e non por zonas, como acontece na alternativa de Google.

nokia-here-android-samsung-1

A alianza de Here Maps con Samsung tamén chega aos wearables da compañía coreana, a liña Gear con Tizen (non sabemos se nun futuro tamén para o trebello con Android Wear), o que facilitará a empregabilidade ao termos os mapas sempre dispoñíbeis no noso pulso.

here maps gear

Here Maps está considerada unha das mellores alternativas a Google Maps, aínda que en Galiza está un pouco verde ao non dispór de opcións ás que xa estamos moi acostumados, como a vista a pé de rúa (a.k.a. Street View). Podedes botarlle un ollo na súa web.

Deixa un Comentario