Evolución da serie Samsung Galaxy Note desde 2011 até hoxe

galaxy note 4

Tras a presentación onte do Galaxy Note 4 e do Galaxy Note Edge chega a renovación a un modelo xa icónico para a compañía surcoreana. Foron moitos os que riron cando Samsung lanzou, aló no 2011, o primeiro Note con S-pen (daquela chamado Stylus) pois pensaban que estaba desfasado e non tiña xeito incorporalo. Nada máis lonxe da realidade, xa que coas características engadidas vía software, é un complemento moi interesante. Tamén é certo que moitos non o empregan (do mesmo xeito que hai xente que merca un supersmartphone só para usar o WhatsApp), pero para quen o usa é un trebello imprescindíbel. Por iso Samsung neste novo Galaxy Note 4 segue apostando por incorporar este complemento.

Hoxe en día xa estamos afeitos a ver terminais grandes e isto debémosllo en parte aos Note, pois supuxeron unha revolución en canto a tamaño. No 2011 os terminais non chegaban ás 4.5 polgadas; o Primeiro NOTE xa tiña unha pantalla de 5,3… fucking crazy!!.

En canto ao hardware, sempre levou os mellores e máis potentes compoñentes de cada momento e ademáis é unha aposta segura, xa que sempre entra nos plans da compañía para ser actualizado e correr coa máis recente versión de Android.

Sen máis, deixámovos unha táboa que resume as principais características de todos os modelos presentados até o momento.

serie-note

Galaxy NOTE
NOTE (2011) NOTE II (2012) NOTE 3 (2013) NOTE 4 (2014)
Polgadas/Resolución/ppi 5,3/1280×800/286 5,5/1280×720/267 5,7/1920×1080/386 5,7/2560×1440
Dimensiones (mm) 82.95×146.85×9.65 80.5×151.1×9.4 79.2×151.2×8.3 153 x 85 x 7.8
Procesador Exynos 4210 a 1,4 dual-core Exynos 4412 a 1,6 quad-core Exynos 5420 a 1,9 octa-core / Snapdragon 800 a 2,3 Exynos 5433 a 1.9 Quad+1.3GHz Quad / S napdragon 805 a 2,7 GHz
RAM (gigas) 1 2 3 3
ROM (gigas) 16/32 16/32/64 32/64 16/32/64
Batería (mAh) 2500 3100 3200 3220
Cámaras (mpx) 8 / 2 8 / 1,9 13 / 2 16+OIS/3.7
Versión de Android 2.3.5 Gingerbread 4.1 Jelly Bean 4.3 Jelly Bean 4.4 Kit Kat
Peso (gr) 178 182,5 168 176
Prezo de lanzamento 729€ 650€ 659€ Non facilitado

Co lanzamento do Note 4 queda claro que Samsung quere seguir apostando por esta liña de produto, convertida xa nun referente tanto para o mundo empresarial como para os usuarios máis exixentes.

Deixa un Comentario