LG F60, un dispositivo de baixo custe para disfrutar do 4G

LG_F60_Frontal

Para disfrutarmos do 4G é imprescindíbel termos un dispositivo compatíbel, xa que non todos o son. E por suposto, estar nunha operadora que ofreza acceso a este tipo de redes. Se hai uns meses só eran os trebellos de alta gama os que ofrecían esta posibilidade, nos últimos meses foise baixando o listón ás gamas medias, facendo do 4G unha tecnoloxía máis accesíbel.

LG vén de anunciar o lanzamento en Galiza do novo LG F60, un trebello de 159 € co que poderemos acceder a Interner móbil de cuarta xeración sen ter que deixar moitos cartos.

LG_F60_Trasera blanca

Incorpora unha pantalla de 4,5 polgadas, un panel IPS con resolución 800 x480 píxeles (207 ppp), procesador de catro núcleos Qualcomm a 1,2 GHz, 1 GB de memoria RAM e 4 GB de memoria interna, ampliábeis por microSD de até 32 GB. As súas cámaras son de 5 e 1,3 megapíxeles, a principal con flash LED.

O novo LG F60 comercialízase en dúas cores, branco e negro, e sae á venda con Android 4.4.2 KitKat, aínda que imaxinamos que actualizará a Lollipop.

Sobre o autor

Reply