Vivo X5 Max, outro smartphone que loitar por estar entre os máis finos do mercado

vivo x5 max

Se nos preguntaran ás usuarias de Android que queremos nos nosos smartphones, seguramente unha inmensa maioría pediríamos mellores baterías, posto que, en termos xerais, o resto de especificacións e deseños foron mellorando notabelmente nos últimos anos, especialmente neste 2014 que remata.

Porén, moitos fabricantes seguen empeñados en bater récords de delgadez, como é o caso do novo Vivo X5 Max, que sitúa o seu grosor nos vertixinosos 4,75 mm, o que sen dúbida obrigou a facer malabares aos deseñadores para lograr introducir, entre outros, o conector de audio jack 3.5 mm.

vivo x5 max 2

As súas especificacións non xogan na liga dos máis mellores do mercado, índa que segue a ser un trebello moi interesante. Ten unha pantalla de 5,5 polgadas con resolución FullHD e no seu interior un procesador Qualcomm SnapDragon 615 a 1,7 GHz, xungo a 2 GB de memoria RAM e 16 GB de memoria interna ampliábeis por microSD.

No apartado multimedia, a súa cámara principal é de 13 megapíxeles, con flash LED, e a frontal de 5 Mpx. Dispón de conectividade 4G-LTE, dobre ranura SIM e unha batería de 2000 mAH.

O novo Vivo X5 estará dispoñíbel na China desde o 22 de decembro por uns 400 euros ao cambio.

Sobre o autor

Reply