ZTE presenta o novo Blade S6

Blade_S6_PR_shot

ZTE vén de presentar o seu novo smartphone Android, o ZTE Blade S6, un trebello que destaca por dispór de conectividade 4G e por saír á venda coa última versión do sistema operativo, Android 5.0.

Está dotado dun procesador SnapDragon 615, de oito núcleos, acompañado de 2 GB de RAM e 16 GB de memoria interna ampliábeis por microSD. A súa pantalla é de 5 polgadas e a batería de 2400 mAh.

A cámara principal é un sensor Sony Ultra HD de 13 megapíxeles, con flash LED, mentres que a frontal queda nos 5 megapíxeles. O apartado multimedia complétase cun sistema de son en alta fidelidade, que ha de vir ben ás usuarias que desexen disfrutar do multimedia nos seus dispositivos.

ZTE_Blade_S6

Ademais de vir coa última versión de Android, Lollipop 5.0, o Blade S6 conta con Smart Sense, un conxunto de intuitivos controis por xestos que permiten levar a cabo diversas accións, como activar a lanterna cun xiro do pulso ou sacar fotos rapidamente. A capa de personalización é MiFavor, na versión 3.0.

Porase á venda no mes de febreiro no mercado internacional, aínda que no caso español haberá que agardar á privamera. O seu prezo, polo de agora, é unha incógnita.

Deixa un Comentario