Estes días coñecemos un novo dispositivo do fabricante americano. Desta volta é unha tableta con Android no seu interior e un deseño moi atractivo. Esta tableta é a Dell Venue 10 7000.
O que máis destacada nesta tableta é o seu deseño: é moi delgada, tan só 6,2mm e axustan moito a pantalla para reducir ao máximo posíbel os marcos. Ademáis na parte inferior atopamos un borde con forma de cilindro no que están aloxados os altofalantes e que ademáis serve de soporte para o teclado físico.
O resto de características que debemos sinalar son as seguintes:
- Pantalla de 10,5 polgadas.
- Resolución qHD, 2560×1600.
- 2 gigas de ram.
- Procesador quad-core de Intel: o Atom Z3580.
- Batería de 7000 mAh.
- Android Lollipop.
- Peso: 598 gramos (en gran parte pola presenza do cilindro)
Sairá ao mercado este mesmo mes e polo de agora só a imos atopar nos EUA e na China aínda que pouco a pouco chegará a máis mercados. En canto aos prezos, sabemos que se comercializará dende 499$ e se a queremos co teclado debemos sumar 130$ máis.
Que vos parece esta proposta de Dell?
