Laser box, un puzzle moi adictivo

Hoxe achegámosvos un xogo tremendamente aditivo co que ben seguro pasares o voso tempo de lecer. Chámase Laser Box.

Este xogo é básicamente un puzzle no cal ao comezo da pantalla temos un raio láser que apunta nunha dirección e mediante outras pezas, podemos redirixir este raio e así alcalzar un obxectivo predefinido.

Semella doado? Pois ao acadar un certo nível xa non, é aí está a graza do xogo. Co paso dos níveis a cousa vaise poñendo máis e máis difícil, podendo atoparnos con 2 raios que teñen que chegar a un número case infinito de obxectivos. Ademáis se nos gusta, temos diversión para un cacho, pois conta 120 níveis.

laser box 03

Neste xogo non temos límite de tempo para superar cada fase, o que temos é que pensar para ir paso a paso colocando as pezas que redirixen o raio láser e completar a proba; nalgúns casos o raio vai dirixido a un obxectivo para destruilo noutros casos so temos e evitar que un raio apunte directamete a outro.

As opcións de xogo son reducidas, pero non precisamos máis. Podemos destacar as habituais opcións de son, e ademáis temos outras específicas de axudas no xogo. Por exemplo, se prememos a casilla de suxerencia (que podemos empregar até 3 veces) diranos onde colocar as pezas que redirixen o láser. Moi útil cando non vemos o camiño correcto. E outra menos drástica que consiste en resetear a pantalla e volver a colocar as pezas como ao comezo para volver a intentalo.

laser box 02

Laser Box foi un xogo que nos gustou moito e se pensades que vos pode gustar, tédelo para a súa descarga de balde na Play Store.

Deixa un Comentario