Stream, Spectre X2, Envy e Edition Especial Star Wars: os novos portátiles de HP

Esta semana HP renovou algunhas das súas familias de portatiles para competir do mellor xeito posíbel cos seus rivais, que polo que se viu esta semana é Microsoft.

HP Stream

hp stream

Para comezar, queremos amosarvos o novo HP Stream, o máis pequeno de todos, tanto en tamaño como en especificacións. Sen destacar por nada en concreto, o hardware conta cunha lixeira actualización, onde podemos destacar o procesador Intel Celeron, 32 GB de almacenamento, 1 USB 3.0 e 1 USB 2.0 ademáis de ector de microSD. O SO como non pode ser doutro xeito é Windows 10.

Podemos elixir entre dous tamaños de pantalla; 11,6 ou 13,3 polgadas e a principal diferencia entre ámbolos dous modelos é que o máis pequeno garante dúas horas e media máis de autonomía, mentres que o de 13,3″ conta cun USB 2.0 a maioires.

Estes equipos están chamados a cubrir un nicho de mercado moi específico e poderémoslos atopar por prezos que van desde os 269€ para o máis pequeno até os 299 euros para o de 13,3″.

HP Spectre X2

hp spectre x2

O seguinte modelo do que vos queremos falar é o HP Spectre X2, un dispositivo chamado a pelexar directamente coa Surface Pro de Microsoft. Estamos diante do mesmo concepto de producto, un ordenador tipo tablet ao que se lle pode conectar un teclado e na súa traseira conta con pé que fai de soporte.

O Spectre X2 ten una pantalla de 12 polgadas FullHD e monta procesadores Intel Core M de sexta xeneración, e as configuracións chegan até os 512 GB de memoria SSD e os 8 GB de RAM. En canto á conectividade atopamos dous USB Type C 3.0, slot para microSD e conta cun módem LTE. Además temos que destacar que o paquete ven cun adaptador para poder empregas o gadget que temos pola casa con conexión UBS 2.0 ou 3.0 tracionais.

O prezo de partida do dispositivo é de 1399 euros e chegará ao noso país en novembro.

HP Envy

hp envy

Outra das equipas que presentou HP esta semana foi HP Envy, un ultrabook convencional de 13,3″ de tan só 1,27 kg. O modelo máis básico montará un procesdor Intel Core i3 podendo chegar a elixir un modelo máis potente equipado cun procesador i7.

En canto á conectividade destacamos os tres portos USB 3.0, HDMI e lector de tarxetas SD. O teclado é retroiluminado e conta cun lector de pegadas datilares. O HP Envy sae ao mercado este mesmo mes e o modelo básico custará ao redor dos 900 euros.

HP Edition Especial Star Wars

hp star wars 02

Para rematar a intensa semana de HP, por sorpresa presentou unha equipa dixida ás usuarias máis geeks. Coincidindo co lanzamento a finais deste ano dunha nova película da saga de Star Wars, HP lanzou un pc que se chama HP Edition Especial Star Wars e ten como principal reclamo tanto a personalización externa coma interna, pois atoparemos un Windows 10 totalmente modificado e adaptado ao mundo Star Wars, ademáis da retoiluminación vermella do teclado.

hp star wars 01

En canto ao hardware, sen estar mal, non é nada doutra galaxia como poderiamos agardar. Contamos cun procesador i5 da familia Skylake de Intel, 8 GB de RAM, gráfica GeForce 940M e disco duro SATA3 de 1TB. O prezo desde HP de edición especial é de 799€ e a maiores poderemos mercar unha funda tamén personalizada por 39,90€.

hp star wars 03

Deixa un Comentario