Oppo anuncia o R7s

Oppo, unha das marcas chinesas do momento, vén de anunciar novo dispositivo, o Oppo R7S. Trátase dun terminal da que chamamos gama media premium, é dicir, un trebello que ten unhas especificacións de gama media pero uns acabados de categoría, neste caso co metal como material protagonista.

oppo r7s - 1

No apartado técnico incorpora unha pantalla AMOLED de 5,5 polgadas con reslución FullHD, e no seu interior atopamos un procesador Snapdragon 615, acompañado por 4 GB de memoria RAM e 32 GB de almacenaxe interna, ampliábeis con tarxetas microSD. A batería é de 3070 mAh con sistema de carga rápida, e as cámaras de 13 e 8 megapíxeles. Así mesmo, dispón de conectividade 4G e dobre bandexa SIM.

oppo r7s - 3

Como sistema operativo emprega Android 5.1 coa capa de personalización Color OS 2.1, e no que ten a ver co deseño, destaca a súa delgadez, cun grosor de tan só 6,95 mm, e o uso do metal, dispoñíbel en dous acabados: dourado ou prata.

Chegará a Europa e Estados Unidos no mes de decembro, aínda que o prezo é polo de agora unha incógnita.

Sobre o autor

Reply