Fat Secret, unha app para controlar o noso peso

Logo das festas nas que sempre nos pasamos comendo, petiscando e volvendo comer, estivemos probando unha app para controlar tanto o exercicio que facemos coma os alimentos que comemos dun xeito sinxelo e analizar así volver ao noso peso ideal, sempre que o desexemos. Esta aplicación chámase Fat Secret.

O primeiro que quere a app é coñecernos un pouco. Deste xeito temos que dicirlle se queremos aumentar, manter ou reducir o noso peso, o sexo da persoa, que tipo de actividade física realizamos a cotío, peso actual, altura e idade.

Unha vez que fixemos esta configuración, na app vemos unha táboa en blanco que nos propón unha inxesta máxima de calorías. O que nos temos que facer é ir introducindo os alimentos que imos consumindo ou o exercicio que facemos ao longo do día. Con estes datos, a app fai unha estimación das calorias que consumimos e queimamos e se imos no bo camiño para acadar o obxectivo do que vos falabamos antes: aumentar, manter ou reducir o peso.

Screenshot_2016-01-04-11-59-36

Ademáis disto, Fat Secret conta cunha gran cantidade de opcións coas que facer un seguemento dos nosos progresos, tal e como vemos na seguinte captura. Ademáis até temos unha opción de receitas para aprender ou mellorar na cociña.

Screenshot_2016-01-04-11-52-24

Como punto a favor, destacamos que Fat Secret conta cunha base de datos de alimentos que podemos atopar no noso supermercado habitual para así facer estimacións máis precisas sobre as calorías que consumimos.

Screenshot_2016-01-04-11-58-34

Se pensades que vos pode interesar esta app, podedes descargala de balde nesta ligazón á Play Store.

Nota: Tede en conta que os datos de Fat Secret deben ser tomados coma unha orientación e nunca facer unha dieta pola vosa conta. Acudide sempre a unha profesional.

Deixa un Comentario