Logo dun 2015 no que a compañía galega R subiu os prezos en todos os seus servizos, o 2016 arranca con novas subas, que afectarán ás dúas tarifas planas máis económicas, a plana 12 e a plana 20.
A actual tarifa plana 12 (150 minutos + 1 GB por 12 €) pasará a ser a tarifa plana 13, costando 13 € nos que se inclúen os mesmos 150 minutos de voz e 1,5 GB de datos (500 MB máis ca actualmente). Algo semellante ocorre coa actual plana 20 (chamadas ilimitadas + 1,5 GB de datos por 20 €), que se transformará na plana 22, incluíndo chamadas ilimitadas e 3 GB de datos (1,5 GB máis).
Por outra banda, tamén se lanzará a Tarifa 16, que por 16 €/mes ofrecerá 3 GB de datos e chamadas a 0 cént/min, iso si, pagando o establecemento de chamada a 16 céntimos.
Segundo as nosas fontes, R estaría a barallar anunciar as novas tarifas a finais de mes ou comezos de marzo, estando previsto que se comecen a aplicar no ciclo que comeza o 20 de marzo ou o 20 de abril.
E non se poden manter as tarifas actuais? Porque eu teño a de 20€ e non consumiría os 3GB da de 23€…
Non temos esa info 🙁
Preguntei e dixéronme que non van manter a tarifa de 20 para aquelas persoas ás que non nos compensa a de 22€. Non son os cartos, pero si esa sensación de medio estafa que sente o cliente cando ten un producto obrigatoriamente que non precisa, non quere e, sobre todo, que non contratou. Unha pena
Dá a sensación de que pensan ter unha clientela consolidada porque ofrecen un servizo de calidade e poden pasar a cobrar máis. Igual teñen sorte e poden ampliar a súa marxe de beneficios, pero o que sobran son operadoras. Hora de buscar alternativas?