Google Calendar xa permite marcar obxectivos
Google Calendar vainos axudar a acadar eses obxectivos que nos marcamos pero que nunca atopamos tempo para realizalos. Coa app de Google, será máis doado crear unha “meta” e organizar así as nosas semanas.
Cando creamos unha meta, a app amosa algúns exemplos que poden concordar coas nosas preferencias: correr, facer ioga, camiñar,… e mesmo a frecuencia e a duración que lle queremos adicar a esta actividade. Ademáis, se programamos un evento e coincide cunha meta, Google de xeito automático programará a nosa meta outro día, en función do que teñamos programado na nosa axenda.
Chegan máis formatos de arquivos a Whatsapp
Nunha recente actualización, Whatsapp xa permite compartir arquivos en formatos .pptx (PowerPoint), .xlsx (Excel), .docx (Word) e .txt (documento de texto). Cando recibamos a mensaxe co documento, a app amosaranos tanto o formato no que chega como o número de páxinas que ten o documento. Sen dúbida, é un paso máis para completar a integración de formatos de arquivos que podemos envíar aos nosos contactos, aínda que polo de agora non funciona na versión web.
Facebook traballa para suxerir etiquetas en vídeos
Se unha FacebookAmiga sube un vídeo á rrss, esta poderá recoñecer as caras da xente que aperece no vídeo e deste xeito suxerir á persoa que sube o vídeo se quere compartilo coas persoas que aparecen nel. Esta funcionalidade é normal desde fai tempo cando subimos unha foto, e Facebook quere extendela aos vídeos. Preparádemos, as etiquetas suxeridas nos vídeos están a piques de aparecer.
Xa non precisamos un perfir en G+ para desfrutar de Google Play
Desde a versión 3.7 de Google Play, xa non será necesario loguearnos coa conta de Google+ para xogar en Google. Agora poderemos crear un ID de xogador co nome e avatar que nos apeteza e deste xeito participar en misións, gardar partidas, ou xogar con outros xogadores.
En calqueira momento poderemos editar e mesmo borrar a nosa ID de xogador.
Así será o novo Twitter
Esta semana filtrouse como será a nova interface de Twitter, que podedes ver no seguinte vídeo:
Polo de agora a esta versión só se pode acceder descargando unha alpha de Twitter e só a poderán ver as usuarias que teñan convite. Malia estas precaucións por parte da empresa, as filtracións apareceron e grazas a ela, podemos ver no que están traballando. Gústavos?
Huawei rexistra un 7P, será un novo Nexus?
O ano pasado Google encargoulle tanto a LG (Nexus 5X) coma a Huawei (Nexus 6P) a creación dos terminais Nexus do 2015. Pois ben, esta semana sóubose que Huawei ven de rexistrar o nome 7P o pasado 7 de abril. Debido a este rexistro sospéitase que ese 7P podería ser un novo terminal Nexus ou tan só un novo nome para un terminal que sairá ao mercado baixo a marca Huawei.
Sexa o que sexa, habémolo saber ao longo de ano e polo de agora, só podemos agardar.