ZUK Z2 Pro, toda a información

ZUK, fabricante que traballa baixo o paraugas de Lenovo, vén de facer a presentación oficial do seu novo trebello. Trátase do ZUK Z2 Pro, un dispositivo aspiracional, que malia o seu prezo reducido incorpora especificacións de gama alta.

zuk z2 pro - 3

O novo smartphone de ZUK vén cunha pantalla de 5,2 polgadas, con resolución FullHD e tecnoloxía SuperAMOLED con cristal curvado 2.5D e uns biseis laterais de 1,41 mm, o que fai que sexa un dispositivo moi compacto. No seu interior alberga un procesador Qualcomm Snapdragon 820, xunto con 4 GB ou 6 GB de RAM, 64 ou 128 GB de memoria interna  e batería de 3100 mAh, con carga rápida Quick Charge 3.0 e cargador USB Tipo C con tecnoloxía USB 3.1.

No apartado multimedia, a cámara principal é un sensor de 13 megapíxeles, con flash de dobre ton e apertura f/1.8, así como sensor ISOCELL, que segundo din enfoca en tan só 0,1 segundos. No caso da cámara frontal, apostaron por un sensor de 8 megapíxeles con aperutra f/2.0.

zuk z2 pro - 1

Dispón de sensor de ritmo cardíaco, de pegadas dixitais e de raios ultravioletas, así como conectividade 4G e Bluetooth 4.2. En canto a sistema operativo, vén con Android 6.0 (Marshmallow) xunto coa interface ZUI 2.0.

A versión con 6 GB de RAM e 128 GB de memoria interna xa se pode reservar na China por uns 370 euros, mentres que a de 4 GB chegará no mes de maio. Imaxinamos que non ha tardar moito en aparecer algunha web que nos permite mercalo desde aquí por un prezo semellante. Que vos parece?

Deixa un Comentario