Cada día queda máis claro que o futuro, cada vez máis presente, son os pagos desde o móbil. A nova da semana é que a primeira plataforma en chegar ao noso país será Samsung Pay, o día 2 se xuño. Polo de agora o servizo só vai funcionar se somos clientas de Abanca, La Caixa e El Corte Inglés, pero Samsung anunciou que xa ten conversas moi avanzadas con outras entidades para chegar a máis usuarias, e coñeceremos cales son nos vindeiros días.
Samsung adiantouse ao servizo de Google (Android Pay) e Apple (Apple Pay), pero no país xa están funcionando outras opcións de pagamento por NFC nos TPV co tecnoloxía Contactless, como Vodafone Wallet ou as apps desenvoltas pola propia banca.
O sistema de pagamento de Samsung ten un punto a favor e outro en contra.
- A favor: non cobra comisións polas transaccións, o que favoreceu aos coreanos para ser o primeiro en implantarse no noso país.
- En contra: polo de agora a listaxe é curta e limítase a terminais Samsung, pero non sería estrano que o servizo remate por extenderse a terminais doutras marcas.
Antes de que nos decatemos, deixaremos de lado a tarxeta de débito/crédito e o móbil farase imprescindíbel no noso día a día, se e que non o é xa.