Unha de cal e outra de area. Se hai uns días celebrabamos que R deixase de cobrar as chamadas entrantes en roaming europeo, adiantándose ás exixencias da Unión Europea, hoxe chéganos a información de que a cableira galega comezará a cobrar por defecto o exceso de datos.
Até o de agora, as usuarias de R que consumiran todo o volume de datos contratado vían reducida a velocidade aos 64 kbps, unha taxa de transferencia que serve para ter unha conectividade básica que nos permite comprobar o email, WhatsApp e pouco máis.
Tras facer bandeira desta “navegación ilimitada” durante moitos anos, a compañía pasa a cobrar por defecto polo exceso de datos en bloques de 2 € por 200 MB, até acadar un máximo mensual de 1 GB (10 euros). Nese momento si que se reducirá a velocidade ou permitirá contratar un bono extra de 500 MB por 6 €. De non querer este modo de tarificación, terá que ser a usuaria quen solicite a desactivación deste modelo.
Os cambios prodúcense xusto antes de que comece o cambio de cobertura a Orange para poder ofrecer 4G ás clientas, e aínda que desde R aseguran que están traballando coa compañía francesa para que as usuarias non noten moito o cambio, o certo é que cos mapas de cobertura actuais de Orange as usuarias de R sufrirán un cambio a peor en boa parte do territorio galego.
O que tes que decir tamen e que ainda que por defecto se active o aumento automatico de megas no momento en que os agotes, tes a posibilidade de quedar como hasta agora, e decir navegar a velocidade reducida. Se pode escoller por calquiera das duas opcions desde a paxina web de R. O que fixo R neste caso no e “cobrar polo exceso de datos”, senon habilitar ambalas duas opcions.
Feita a corrección. Graciñas!
estes vascos logo afunden con todo….un combo que se pira….
Por se a algún lle interesa… a ligazón para desactivar o bono de datos automático e continuar como ata o de agora, é a seguinte:
https://clientes.mundo-r.com/botones/servizos/configurar_bono_automatico_mobilR