MediaTek Helio X30, o procesador máis potente de MediaTek

Aínda que non houbo anuncio oficial, a propia MediaTek vén de descubrir algunhas das características do seu novo procesador, o MediaTek X30, fabricado con tecnoloxía de 10 nanómetros e que muda a gráfica Mali-Txxx por un modelo PowerVR GPU.

O MediaTek X30 engade un procesador de 10 núcleos, dos cales dous serán Cortex X73 traballando a 2,8 GHz, catro Cortex A53 a 2 GHz e Cortex A35 a 2,2 GHz. Será compatíbel con memorias RAM de até 8 GB, e o feito de ter unha gráfica PowerVR din que axudará a ofrecer un maior rendemento cun menor consumo de batería.

Ao non producirse anuncio oficial cabería agardar que este novo microprocesador fose a aposta de MediaTek para ofrecer aos fabricantes de terminais nos seus dispositivos referencias do próximo ano, aínda que se cadra xa vemos algún modelo estreándoo antes de final de ano.

Deixa un Comentario