De seguro que en máis dunha ocasión, á hora de facer unha compra na rede, preguntástesvos como sería o proceso que seguen os produtos desde que facemos o pago até que chega a empresa de mensaxería coa mercadoría mercada á porta da nosa casa. Nós tamén. Por iso hoxe queremos falarvos de Opirata.com, un ecommerce galego con sede en Bueu que levan máis de 10 anos vendendo produtos informáticos e de electrónica a través da súa web.
No seguinte vídeo podedes ver de maneira resumida como é todo o proceso que segue o pedido até que chega á nosa casa, e que pode involucrar até 15 persoas, formando un complexo engranaxe que garante que se envía o que se pedira o cliente. E é que a organización é algo básico se temos en conta que unha tenda como Opirata.com manexa máis de 10.000 referencias.
Black Friday: todo un reto de coordinación
A práctica totalidade das tendas online adoptaron o Black Friday americano. Coa Internet eliminando fronteiras e o conxunto das consumidoras con ganas de aforrar uns euros nas súas compras, non facelo implicaría perder parte dos xogosos números que se colleitan nas vendas arredor desas datas.
Para unha empresa como Opirata.com, o Black Friday supón un importante impulso económico, mais tamén un reto tecnolóxico e loxístico. Cunhas previsións de facturación para ese venres 25 de novembro que multiplican por 10 a facturación dun venres normal, a web da tenda online galega acolle máis dun pedido por minuto de media, multiplica por 5 o número de usuarias visitando a páxina nos días previos e por 30 as usuarias conectadas á hora de lanzar a promoción.
Desde Opirata.com lembran que entre o luns 21 e o xoves 24 de novembro comezan os Black Days, nos que haberá produtos rebaixados e ofertas exclusivas, como antesala do Black Friday, que se celebrará o venres 25 a partir das 00.00.01 horas. Finalmente, o luns 28 de novembro, celebrarase o Cyber Monday, como broche final a unha semana de ofertas.
200 € de media por Internauta
As previsións apuntan que cada internauta gasta uns 200 € de media no Black Friday, sendo o sector tecnolóxico un dos máis beneficiados destas ofertas, aínda que ultimamente practicamente todos os sectores sucumbiron ás rebaixas nesas datas.
Web | Opirata.com