R segue reforzando wificlientesR con máis de 120.000 puntos de acceso

Desde o lanzamento da súa rede WiFi exclusiva para clientes de Internet fixa ou móbil, a operadora galega de cable R non deixou de facela medrar. wificlientesR leva tempo sendo a maior rede sen fíos de Galiza e, día a día, segue aumentando o número de puntos de acceso repartidos por todo o país.

A comezos de setembro falabamos de que xa había máis de 110.000 puntos de acceso WiFi, mais na última actualización de datos, feita pública hoxe, xa se superan os 120.000 puntos de acceso WiFi repartidos en máis de 100 concellos galegos.

Segundo apunta a compañía, xa hai 175.000 usuarios rexistrados neste servizo, dos cales 63.000 úsano cada día para consumir até 5 Terabytes (TB) de datos por día.

Puntos de alta capacidade nas cidades

Ademais dos centos de puntos WiFi situados en routers de clientes particulares e establecementos comerciais (bares, tendas…), R ten activos 50 puntos de alta capacidade, que se reparten entre as 7 principais cidades.

Estes “superpuntos” de acceso están situados en exteriores, e permiten conectar até 100 usuarias ao mesmo tempo, nunha distancia máxima de 100 metros e cunha velocidade de conexión de até 100 megas, moi por riba dos puntos básicos que poden dar servizo a un máximo de 5 usuarias simultáneas con velocidades entre os 5 e os 10 megas.

As localizacións destes puntos son as seguintes:

  • Vigo: Príncipe, Porta do Sol, praza Industria, travesía de Vigo, praza da Independencia e Montero Ríos.
  • A Coruña: praza de Lugo, praza de Pontevedra, praza de Vigo, praza de España, Obelisco e Ramón y Cajal (Catro Camiños-El Corte Inglés).
  • Ourense: praza de Santa Eufemia, parque de San Lázaro, xardíns do Posío, praza da da Mariña, prazada da Estación tren e praza das Mercedes.
  • Lugo: praza Maior, praza de santo Domingo, praza do Campo Castelo, parque da Milagrosa e rúa Raíña.
  • Santiago: praza de Galicia, praza Roxa, parque de Ramírez, rúa da Rosa e General Pardiñas.
  • Pontevedra: xardíns de Vicenti, praza de España, praza da Verdura, praza de San Xosé, glorieta da Avenida Compostela e Benito Corbal.
  • Ferrol: Cantón de Molíns, o Inferniño, Ultramar, praza de España e praza de Armas.

Sobre o autor

Reply