Nest é unha compañía americana de dispositivos conectados para o fogar intelixente, que adquiriu gran notoriedade internacional cando foi mercada por Google anos atrás. Tras a reorganización de Google que deu pé á creación de Alphabet, Nest deixou de ser parte da marca do buscador para formar parte do entramado de empresas de Alphabet.
Tras moito tempo de espera, Nest comeza o próximo 15 de febreiro a súa expansión internacional, desembarcando cos seus produtos conectados en Alemania, Austria, Italia e España. Segundo din, terán soporte nos “idiomas oficiais de cada país”, aínda que moito nos tememos que no caso do estado español sexa unicamente en español.
Aínda que o aparello estrela de Nest é o seu termostato intelixente, que aprende dos nosos hábitos para adaptar a temperatura da nosa casa, a compañía tamén traerá dúas cámaras de vixilancia, unha para interiores con calidade 1080p e outra para exteriores coa posibilidade de acceder aos visionados desde o móbil, así como unha alarma antifume e de monóxido de carbono.
Dispoñibilidade e prezo
Todos os trebellos chegarán ao noso país o próximo 15 de febreiro, e poderanse mercar en Amazon, Media Markt e El Corte Inglés, aínda que se non queremos esperar podemos reservarlos xa mesmo. En canto a prezos, serán os que poñemos a continuación, sen que de momento haxa intención de facer unha oferta “paquetizada” coa que poder aforrar uns euros se collemos máis dun ao tempo.
- Nest Learning Thermostat de 3ª xeración. Prezo oficial: 249 €. Reserva en Amazon por 234 €
- Nest Protect (Alarma antifume e de monóxido de carbono). Prezo oficial: 119 €. Reserva en Amazon por 111 €
- Nest Cam Indoor (Cámara interior). Prezo oficial: 199 €. Reserva en Amazon por 199 €
- Nest Cam Outdoor (Cámara exterior). Prezo oficial. 199 €. Reserva en Amazon por 199 €
Máis info | Nest
