Xiaomi é, con moita diferenza, o fabricante chinés con mellor proxección internacional. A clave do seu éxito ten moito que ver cos seus dispositivos, que aúnan boas prestacións e prezos recatados, mais tamén a presenza de Hugo Barra, un dos artífices do milagre.
O que fora unha das persoas máis fortes dentro de Android, abandonou Google por Xiaomi hai algo máis de tres anos, co principal obxectivo de traballar na súa proxección internacional e abrir a porta a novos mercados, nomeadamente o americano e e o europeo. Porén, agora Hugo Barra deixa o seu posto como vicepresidente de Xiaomi para regresar a Estados Unidos, onde iniciará novos proxectos logo dun período de desconexión, aínda que confirma que seguirá de consultor da firma chinesa.
Os motivos que o levaron a abandonar Xiaomi detállaos nun post de Facebook, e son principalmente de índole persoal. Cos seus círculos de amizade no entorno de Silicon Valley, ter un posto de traballo a tanta distancia non acababa de facelo feliz, algo que mesmo comezou a afectar á súa saúde.
Estaremos atentas para seguir a traxectoria de Hugo Barra, a quen en boa medida debemos o que hoxe é Android.
Coido que tendes un problema cas RSS, polo menos a min non me chegan as novidades ao meu lector, e http://mallandonoandroid.gal/feed dime que a páxina non esta sendo redireccionada correctamente.
un saúdo!
Graciñas polo aviso. Témolo detectado e estamos traballando para mirar de amañalo. Se usas Telegram podes suscribirte á nosa canle para non perder detalle https://telegram.me/mallandroid