Samsung e El Corte Inglés veñen de anunciar hoxe o acordo que permite ás usuarias da tarxeta de compra do Corte Inglés pagar a través de Samsung Pay. Deste modo, o comercio responsábel de moitas grandes superficies convírtese no primeiro emisor de tarxetas privadas do mundo en ofrecer a posibilidade de pago por smartphone á súa clientela a través da plataforma de Samsung.
Segundo informou a compañía, actualmente hai preto de 11 millóns de persoas que empregan a tarxeta de compras do Corte Inglés, que na súa historia acumula 5000 millóns de euros en compras, e supón o primeiro paso para comezar a despedirse das tarxetas de plástico. Entre as súas vantaxes, estas tarxetas permiten fraccionar as compras en varias modalidades, obter descontos en gasolineras ou disfrutar de 2 horas de aparcadoiro gratis nos seus centros ao facer compras superiores aos 30 euros.
Actualmente, grazas aos acordos de Samsung con Abanca, Caixabank, ImaginBank, Banco Sabadell e o Banco Santander, as usuarias dos smartphones Samsung compatíbeis xa poden dixitalizar máis de 40 millóns de tarxetas de pago en Samsung Pay.
