O Samsung Galaxy Fold chega o 3 de maio ao noso país

Xa hai data para a posta á venda do Samsung Galaxy Fold no noso país: será o próximo 3 de maio cando o primeiro móbil pregábel de Samsung chegue ás tendas, mais haberá un periódo de pre-reserva que se abrirá o 26 de abril, e aquelas persoas que a fagan recibirán de agasallo os auriculares sen fíos Galaxy Buds e unha funda.

Samsung confirmou un total de catro cores para este novidoso terminal, que serán prata (Space Silver), negro (Cosmo Black), verde (Martian Green) e azul (Astro Blue), e o seu prezo será de 2000 euros, polo que presumibelmente verémolo nos catálogos das grandes operadoras (Vodafone, Movistar, Orange e Yoigo).

O Galaxy Fold conta con dúas pantallas, unha externa para o uso pechado de 4,6 polgadas e unha interna que aparece ao abrilo, de 7,3 polgadas, que permite o uso de até tres aplicacións ao mesmo tempo.

Que pensades deste tipo de dispositivos? Investiríades nun destes trebellos ou preferides seguir cos modelos actuais?

Sobre o autor

Reply