O2, unha das marcas que pertencen ao paraugas de Telefónica, vén de anunciar novidades, aínda que desta vez non se trata dunha mellora nas tarifas, senón nos servizos que ofrece á súa clientela.
E é que a compañía acaba de engadir o servizo multiSIM, de maneira que as usuarias poden solicitar até dúas tarxetas adicionais co mesmo número, que poden ser físicas ou de tipo eSIM. O prezo do servizo é de 5 € ao mes, independentemente de que se colla unha ou as dúas SIM adicionais.
Para solicitar este novo servizo, as usuarias de O2 deben chamar ao teléfono de atención ao cliente da compañía, o 1551.