Sácalle todo o partido a Dropbox co teu Android

Seguramente xa teredes oído falar de Dropbox, un dos servizos de almacenaxe de arquivos na nube máis eficientes, xa que alén de permitir ter os nosos arquivos accesíbeis dende a web conta con aplicacións para Linux, Mac, Windows e sistemas móbiles, creando unha especie de cartafol no noso sistema operativo, o que facilita moito o manexo de arquivos (posibilidade de copiar-pegar, etc).

Entre as aplicacións para móbiles dicir que ten para iPhone, iPad, Blackberry e, por suposto, Android, na cal nos centraremos. Con esta sinxela aplicación, poderemos acceder aos nosos arquivos dende o noso smartphone, crear cartafoles, mover arquivos entre eles…
Mais tamén outras opcións avanzadas, como streamming de audio e vídeo ou compartir fotos. Esta última é unha opción que a min me resulta moi interesante: Dropbox instálase tamén no menú de “compartir”, polo que poderemos seleccionar as nosas fotos e vídeos, e compartilas co noso Dropbox, o xeito máis sinxelo de pasalas ao computador.

Se non dispoñedes de conta de Dropbox podedes facer unha aquí

Tamaño instalada: 2,80 MB
Prezo: de balde
Código QR para a súa instalación (ou ligazón aquí):

Sobre o autor

Reply