Outra promesa cumprida por parte dos de Mountain View; a opción de comprar directamente dende a aplicación xa está dispoñible. Aplicacións coma Tap Tap Revenge ou Comics xa ofrecen a posibilidade de comprar cancións, para a primeira, e comics, para a segunda, directamente sen ter que voltar o Market, cousa que se agradece.
Pero con esta nova opción tamén hai que ter coidado, pois para os que deixedes que os máis pequenos xoguen cos vosos aparellos supón que agora teredes que prestarlles máis atención para que non compren nada sen querer e ter un pequeno susto o final do mes. A verdade é que se agradece que Google vaia cumprindo as súas promesas e vaia facendo de Android o sistema sinxelo e manexable que todos queremos.
