Probamos o HTC Incredible S, unha das últimas creacións de HTC

No Mobile World Congress tivemos a oportunidade de achegarnos ao HTC Incredible S, mais agora puidemos probalo durante uns días para analizar o seu funcionamento máis a fondo.
O Incredible S é un terminal robusto pero sen ser pesado e resulta moi cómodo de manexar, cun grao de adaptabilidade á man moi conseguido. Vexamos unha primeira impresión en vídeo:
Como é habitual, é compatíbel con todas as redes móbiles dispoñíbeis no noso país e conta cunha batería de 1450 mAh que lle otorga unha autonomía considerábel tendo en conta o pantallón de 4 polgadas que ten.

Saíu de fábrica con Android 2.1, pero tal e como vos anunciamos hai uns días, xa saiu Gingerbread (Android 2.3) para el.

HTC personaliza Android coa súa capa, HTC Sense, que provee ao dispositivo de novas funcionalidades adicionais, widgets exclusivos e un longo etcétera a través de HTCsense.com.

Vexámolo en funcionamento:

Trátase dun terminal de gama media alta co que poderemos gozar da experiencia multimedia nunha pantalla moi cómoda e de gran calidade. Pero ademais é unha plataforma idónea para xogos e outras aplicacións que requiran dun procesador potente.

Comercialízase en exclusiva a través de The Phone House por 579 €.

E a vós, gústavos?

Sobre o autor

Reply