Se pensabades que os telefónos despregábeis eran peza de museo… sinto dicirvos que estabades equivocados. Parece que Sharp quere facerse con eses clientes que non queren renunciar a ter un terminal con este aspecto a pesares de querer disfrutar de Android.
O modelo Aquos Hybrid 007sh no que a compañía está a traballar contaría con estas características:
- Procesador de 1 GHz
- Sistema operativo: Android 2.3 (Gingerbread).
- Cámara de 16 MP (si, a miña dixital creo que non chega a eles) e frontal para videochamadas.
- Pantalla de 3,4 polgadas.
- Sintonizador de televisión.
Parece ser que este terminal está orientado ao mercado xaponés e eu persoalmente teño as miñas dúbidas de que o cheguemos a ver por acó… e se o chegáramos a ver sería unha versión modificada, xa que o máis probábel sería que non incluísen características como o sintonizador de televisión, moi típico dos mercados asiáticos pero incompatíbel cos nosos sistemas de televisión.
