Doodle Grub é un deses xogos sinxelos pero que á súa vez resultan altamente adictivos. O obxectivo do xogo é recoller as mazás que van aparecendo para crecer (somos unha larva), ao tempo de esquivar enimigos que nos pretenden matar, como por exemplo ourizos.
O xogo sabe sacar o máximo partido ao acelerómetro do noso Android, xa que temos que inclinar o noso terminal en todos os sentidos para os movementos. Ademais, ofrécenos a posibilidade de retar a outros usuarios e compartir os resultados a través das redes sociais (Twitter e Facebook).
No seguinte vídeo podedes ver o trailer (pensado para a App Store de Apple, pero o xogo é idéntico):
Este xogo está dispoñíbel de xeito totalmente gratuíto no Market e vale para todos os androides.
