Durante estes días estivemos a probar o LG Black, do cal xa vos falaramos algo cando asistimos á presentación oficial hai cousa dun mes. Por iso, agora estamos en condicións de falar máis a fondo sobre el e non baseándos simplemente nas especificacións, senón na usabilidade.
Nun dos laterais atopámonos os botóns de subir e baixar volume e o botón G, ao cal adicaremos un apartado específico nesta análise, mentres que o outro lateral queda libre. Xa na parte traseira nos atopamos cámara co seu flash e un altofalante externo.
En canto aos acabados, a parte frontal está unificada, confundíndose pantalla e botóns ou cámara dianteira, mentres que a parte traseira é de plástico duro, que resulta máis cálido que os terminais que dispoñen dunha banda metálica.
Pantalla
En que se traduce isto? Pois en que poderemos ver perfectamente o que teñamos na pantalla en ambientes cunha luminosidade elevada. Estiven a facer probas en exteriores, cun Nexus One e o LG Black, con incidencia directa do sol e as diferencias son máis que notorias: mentres no Nexus apenas se podía ver a pantalla no Black perfectamente.
O botón G é unha ferramenta moi útil que nos facilita realizar unha chea de operacións baseados en xestos: é dicir, pulsando o botón e facendo un movemento determinado poderemos reorganizar elementos, apagar a alarma, mudar de cancións, pausar a reprodución, aceptar/rematar/silenciar as chamadas, activar a cámara… étc.
Cámaras
Como xa vos contamos, o LG Black conta con dobre cámara. A frontal é de 2 MP, algo superior ao habitual, que adoitan estar arredor dos 1,6 MP. A traseira é de 5 MP con autofocus e flash e saca unhas fotos bastante boas.
Destaca ademais a gran cantidade de opcións das que dispón:
- Enfoque: automático, macro, continuo, detección de cara, manual
- Diferentes tamaños
- Diferentes escenas: retrato, horizontal, deportes, solpores, nocturo
- Diferentes ISO.
- Diferentes balances de branco (automático, incandescente, soleado, fluorescente, nubrado)
- Efectos de cor (sepia, B/N, negativo, vivo, sepia e negativo, azul, relieve..)
- Temporizador, modos de disparo, revisión da foto étc.
| Imaxe con efectos (sepia + negativo) |
| Imaxe ao atardecer sen efectos. Apréciase gran nitidez |
Usabilidade
En canto a usabilidade, estamos ante un terminal que na parte de personalización que integra LG inclúe algún aspecto que pode resultar moi cómodo:
- Dende calquer lugar do menú ou da pantalla principal podemos acceder ás funcións teléfono, contactos, mensaxes ou aplicacións/inicio segundo estemos en inicio/aplicacións.
- Desprazando a barra de notificacións cara abaixo podemos activar/desactivar o son, o WiFi, Bluetooth, GPS ou tráfico de datos.
- No menú de aplicacións sepáranse as que veñen precargadas e as que instalamos nós.
- Á hora de engadir novos widgets no escritoro facilita as cousas a aparición dunha cuadrícula que nos indica os espazos que temos.
