O universo tablet Honeycomb medra co paso dos días e hoxe queremos falarvos de dous novos dispositivos, desta vez fabricados por ZiiLabs: Jaguar 7 e Jaguar 10.
Trátase de dúas tablet que levan procesadores fabricados pola propia compañía, os ZMS 20, que son como non Dual Core e a 1,5 GHz. Os procesadores, ao igual que o resto de características, son compartidos por ambos dispositivos, cuxa única diferenza é o tamaño (alén do prezo cando saian, queremos supoñer…).
- Procesador ZMS 20 Dual Core a 1,5 GHz
- Pantalla 7 ou 10 polgadas (a escoller capacitiva ou resistiva)
- Dobre cámara (frontal de 2 MP e traseira de 5 MP)
- Memoria interna de até 64 GB, extensíbel con microSD
- Conexión HDMI
| Imaxe da de 10 polgadas |
| Imaxe da de 7 polgadas |
Non sabemos nada de prezos nin de dispoñibilidades, pero a verdade é que estaría ben telas axiña entre nós para poder disfrutar das súas espectaculares características.
