Samsung acaba de presentar a súa nova aposta en forma de tablet, a Samsung Galaxy Tab 7.7, un dispositivo que conta con Honeycomb, completando así a súa gama de tablets con este sistema operativo Android específico para tablets, xa que xa presentara as Tabs de 8,9 e 10,1 polgadas.
Con ela introduce un novo concepto, as pantalals Super AMOLED Plus. E é que este dispositivo de 7,7 polgadas inclúe esta pantalla, sendo o dispostivo actual coa pantalla Super AMOLED máis grande.
Destaca unha vez máis a aposta polo deseño e a obsesión de Samsung polo grosor, acadando tan só os 7,89 mm e cun peso de 335 gramos. Tamén resulta interesante que xa dende o primeiro momento estará dispoñíbel en versión LTE (4G) e 3G (cando teremos aquí as redes 4G!).
O resumo do resto de características é o que segue:
- Pantalla: 7,7 polgadas Super AMOLED
- Tamaño e peso: 7,89 mm de grosor e 335 gramos (non temos o resto de medias, actualizaremos cando teñamos)
- Procesador: 1,4 GHz.
- Sistema operativo: Android 3.2 Honeycomb
- Batería: 5100 mAh
- Memoria interna: 8, 16, 32 ou 64 GB
- Dobre cámara: frontal de 2 MP e traseira de 3 MP.
