Xa coñecedes as tablets S1 e S2 de Sony, que recentemente mudaron de nome para ser S (algo que non está moi claro porque aparecen varias denominacións) e que levan tras de si unha longa campaña de promoción.
Agora xa podemos falar de que por fin temos unha data: o 16 de setembro. A partires dese día comezaranse a distribuír, aínda que xa se pode facer o pedido dende hoxe mesmo a través de Dixons.
En canto a prezos, a versión da S1 de 16 GB só WiFi véndese por 455 €, mentres que a versión WiFi + 3G de 16 GB por 569 €, o mesmo prezo que a versión só WiFi de 32 GB
Que vos parecen estes prezos? Mercaríadela?
Eu véxoas un pouco caras. Nun mercado como o das tabletas que está dominado polo iPad, se o resto de fabricantes queren competir van ter que facelo en base ao prezo. Se hai tan pouca diferenza eu entendo que os consumidores preferirán gastar os cartos nun produto Apple que, ademais de ser garantía de calidade, é quen está á vangarda da innovación neste mercado.