Cada vez lemos máis o xornal a través do noso smartphone e non está de máis ter unha aplicación para facer isto, xa que moitas veces as versións web non están adaptadas ás pantallas dos nosos terminais. Isto deberon de pensar os de The Guardian que por fin veñen de lanzar a súa aplicación Android.
Nela, aquela xente que disfrute da prensa en inglés, atopará unha gran selección de novas de información xeral e deporte, ofrecendo a posibilidade de comentar ou compartir as novas.
Pero ademais esta aplicación dispón de gran cantidade de contido, incluíndo vídeos, galerías de fotos e podcast. A organización deste contido está bastante ben estruturado, cunha sección das novas máis vistas, permitindo tamén favoritizar contidos ou seccións
Podedes descargar a aplicación de xeito gratuíto dende o Android Market para todas as versións 1.6 e superiores.
