Hoxe imos falarvos non de unha senón de 3 aplicacións desenvolvidas polo desarrollador DavidKBD, que á súa vez é músico, e que están pensadas para guitarristas e pianistas.
MusicScalesDavidKBD
A primeira das aplicacións serve de guía para o estudo de escalas e tamén para compositores avanzados, permitindo anotar escalas e acordes, así como tamén gardalos, exportalos e compartilos.
Outra funcionalidade é a conversión de escalas e acordes de piano a guitarra e viceversa, así como tamén a afinación de guitarras.
No Market, para androides 1.6 e superior.
ChordWheelDavidKBD
Esta sinxela aplicación é unha roda de acordes (tamén coñecida como círculo de quintas) e resulta de utilidade para a consulta dos acordes máis típicos. Está dirixida aos músicos menos experimentados.
No Market, para androides 1.6 e superior
GuitarPianoConverterDavidKBD
Finalmente, GuitarPianoConverterDavidKBD permite traducirr as teclas do piano a trastes de guitarra e viceversa.
No Market, para androides 1.6 e superior.
Ao igual ca David, se desarrollas para Android estaremos encantados de probar as túas aplicacións e falar delas no noso blogue. Podedes pasarvos pola sección de contacto para achar os xeitos de comunicarvos connosco.
